భారీ అంచనాల మధ్య విడుదలై.. మొదట్లో బాగుందన్న టాక్ తో మొదలై.. రెండోరోజుకే డివైడ్ టాక్ తో కన్ఫ్యూజ్ కు గురి చేసిన మూవీ ఖుషి … విజయదేవరకొండ హీరోగా.. సమంత హీరోయిన్ గా నటించిన ఈ మూవీ ఈకాలం ప్రేమలకు.. పెళ్లిళ్లకు.. జంటల మధ్య వచ్చే అపార్థాలకు తగ్గట్లు సినిమా రూపొందించినట్లుగా టాక్ నడిచింది. మొదట్లో ఫీల్ గుడ్ అన్నట్లుగా ప్రచారం జరిగినా.. ఫీల్ లేదు.. గుడ్ లేదు గుడ్డు లేదంటూ ఎక్కెసం మాటలు మొదలయ్యాయి.
దీనికి తోడు సినిమాలో ప్రెగ్నెన్సీ మీదా.. హీరో మగతనం మీద నడిపించిన ట్రాక్ మొత్తం లాజిక్ కు ఏ మాత్రం సంబంధం లేకుండా సాగటాన్ని ప్రశ్నిస్తున్నారు. చిన్నపిల్లాడికైనా కలిగే సందేహాలు దర్శకుడికి.. హీరో హీరోయిన్లకు ఎందుకు రాలేదన్న సందేహాన్ని వ్యక్తం చేస్తున్నారు. దాదాపు సినిమాల్లో కీలకమైన అరగంట సమయం.. అర్థం లేని వాదనను చూపించటం.. ఆ సీన్లు చూస్తున్నంత సేపు మనసులో వచ్చే సందేహాలకు సమాధానం ఇచ్చుకోవటంలోనే సరిపోతుందంటున్నారు.
దీంతో.. సినిమా నుంచి డైవర్టు కావటానికి సదరు ఎపిసోడ్ సాగినట్లుగా విమర్శలు ఉన్నాయి. వీకెండ్ లో ఒకమోస్తరు కలెక్షన్లతో బండి లాగించినప్పటికీ.. సోమ.. మంగళవారాల్లో కలెక్షన్లు డల్ కావటం ఖుషీ టీంకు కొత్త కష్టంగా మారింది. అయితే.. ఈ మూవీ తమిళంలో మాత్రం కోట్లు కొల్లగొడుతున్నట్లుగా చెబుతున్నారు. ఇప్పటివరకు రూ.7కోట్ల కలెక్షన్లను ఖుషీ సొంతం చేసుకుందని చెబుతున్నారు. ఇదే విషయాన్నిచిత్ర నిర్మాణ సంస్థ మైత్రీ మూవీ మేకర్స్ అధికారికంగా ప్రకటించింది.
అంతేకాదు.. ఈ ఏడాది టీఎఫ్ఐనుంచి రూ.7 కోట్ల అత్యధిక వసూళ్లు రాబట్టిన మూవీగా నిలిచినట్లుగా పేర్కొంది. ఈ మూవీ విజయ్ దేవరకొండ కెరీర్ లోనే బిగ్గెస్ట్ ఓపెనర్ గా నిలిచినప్పటికీ.. ఆ తర్వాత వచ్చిన డివైడ్ టాక్ కలెక్షన్ల మీద ప్రభావం చూపినట్లుగా చెబుతున్నారు. తెలుగుకు భిన్నంగా తమిళంలోనూ.. ఓవర్ సీస్ లోనూ వసూళ్లు బాగుండటం కాస్తంత రిలీఫ్ గా మారిందన్న మాట వినిపిస్తోంది.
