నందమూరి నటసింహ, మాస్ కా బాప్ నందమూరి బాలకృష్ణ తొలిసారి హోస్ట్ గా వ్యవహరించిన ‘అన్ స్టాపబుల్ విత్ ఎన్బీకే’ టాక్ షో సూపర్ డూపర్ హిట్ అయిన సంగతి తెలిసిందే. ఈ క్రమంలోనే ఈ షో సీజన్ 2 ఎప్పుడెపుడు మొదలవుతుందా అని నందమూరి అభిమానులు ఆసక్తిగా ఎదురుచూస్తున్నారు. ఈ క్రమంలోనే త్వరలోనే సీజన్ 2 మొదలు కాబోతోందని ఇటీవల అన్ స్టాపబుల్ యాంథమ్ రిలీజ్ చేసి మరీ చెప్పారు నిర్వాహకులు.
అయితే, తొలి సీజన్ లో పలువురు టాలీవుడ్ సెలబ్రిటీలు ఈ షోకు వచ్చి సందడి చేశారు. తొలి సీజన్ తొలి షోకు మంచు మోహన్ బాబు, విష్ణు, లక్ష్మీ ప్రసన్న వచ్చి రచ్చ రచ్చ చేశారు. దీంతో, రెండో సీజన్ తొలి ఎపిసోడ్ కు ఎవరు గెస్ట్ గా వస్తారన్న ఆసక్తి సర్వత్రా ఏర్పడింది. అయితే, అనూహ్యంగా ఈ సారి సీజన్ లో తొలి ఎపిసోడ్ కు ఏపీ మాజీ సీఎం, టీడీపీ అధినేత నారా చంద్రబాబు నాయుడు వచ్చారన్న వార్త ఇపుడు ట్రెండింగ్ లో ఉంది.
తాజాగా ఆ షో షూటింగ్ లొకేషన్ లో బాలయ్య బాబుతో చంద్రబాబు దిగిన ఫొటో ఒకటి సోషల్ మీడియాలో వైరల్ గా మారింది. అంతేకాదు, ఈ షోలో పాల్గొన్న చంద్రబాబును అభిమానులు సీఎం..సీఎం అంటూ నినాదాలు చేసిన వీడియో ఒకటి వైరల్ గా మారింది. తన షోకు వచ్చే వారిని ఆసక్తికరమైన ప్రశ్నలతో తికమక పెట్టే బాలయ్య…తన వియ్యంకుడు, తమ పార్టీ అధినేతను ఎలాంటి ప్రశ్నలు అడిగి ఉంటారనేది సర్వత్రా ఆసక్తిని రేకెత్తిస్తోంది.
వీరిద్దరి మధ్య ఎలాంటి చర్చ జరిగి ఉంటుంది అన్న విషయంపై ఇటు టీడీపీ నేతలు, కార్యకర్తలతో పాటు ఎన్టీఆర్, నందమూరి అభిమానులు కూడా ఉత్కంఠతో ఉన్నారు. గతంలో ఈ షోకు వచ్చిన సెలబ్రిటీలు..గతంలో ఎక్కడ చెప్పని విషయాలు బాలయ్యతో షేర్ చేసుకున్నారు. ఈ క్రమంలో పార్టీకి సంబంధించి, తన వ్యక్తిగత జీవితానికి సంబంధించి ఎవ్వరికీ చెప్పని విషయాలను చంద్రబాబు ఈ షోలో రివీల్ చేస్తారా అన్న క్యూరియాసిటీ ఏర్పడింది.
The Leader @ncbn is here at #UnstoppableWithNBK sets????#NandamuriBalakrishna #CMBabu #APHopeCBN pic.twitter.com/nlHQ9gasSe
— World Nandamuri Fans (@NBK_Tarak9999) October 4, 2022
