కేజీఎఫ్…ఏమాత్రం అంచనాలు లేకుండా నాలుగేళ్ల క్రితం విడుదలైన ఈ కన్నడ సినిమా పాన్ ఇండియా స్థాయిలో భారీ విజయాన్ని సాధించింది. కన్నడ సినీ చరిత్రలోనే బిగ్గెస్ట్ బ్లాక్ బస్టర్ గా కేజీఎఫ్ నిలిచింది. ఈ క్రమంలోనే కేజీఎఫ్ సీక్వెల్ గా ఇటీవల విడుదలైన కేజీఎఫ్ చాప్టర్ 2 చిత్రం కూడా బాక్స్ ఆఫీస్ దగ్గర కలెక్షన్ల సునామీ రేపింది. దీంతో, ఈ చిత్ర దర్శకుడు ప్రశాంత్ నీల్ ఒక్కసారిగా స్టార్ డైరెక్టర్ గా మారిపోయాడు.
ఈ క్రమంలోనే టాలీవుడ్ యంగ్ టైగర్ ఎన్టీఆర్ తో ప్రశాంత్ నీల్ తెరకెక్కించబోతున్న చిత్రంపై భారీ అంచనాలున్నాయి. ప్రస్తుతం కొరటాల శివతో ఓ సినిమా చేసేందుకు రెడీ అవుతున్నారు తారక్. మరోపక్క. యంగ్ రెబల్ స్టార్ ప్రభాస్ తో సలార్ చిత్ర షూటింగ్ పనుల్లో ప్రశాంత్ బిజీగా ఉన్నారు. వీరిద్దరూ ఈ రెండు సినిమాలు పూర్తి చేయగానే తమ ప్రాజెక్టుతో బిజీ అయిపోతారు. ఈ క్రమంలోనే ఈ చిత్రంలో తారక్ పాత్ర ఎలా ఉండబోతోంది అన్న ఆసక్తి సర్వత్రా ఉత్కంఠ రేపుతోంది.
ఈ క్రమంలోనే ఈ చిత్రంలో ఎన్టీఆర్ ద్విపాత్రాభినయం చేయబోతున్నారని లీకులు వస్తున్నాయి. అంతేకాదు, ఈ చిత్రంలో హీరోగా నటిస్తున్న ఎన్టీఆర్ విలన్ గానూ తానే నటించబోతున్నారని తెలుస్తోంది. గతంలో జై లవకుశ చిత్రంలో త్రిపాత్రాభినయం చేసిన ఎన్టీఆర్…ఆ చిత్రంలో నాయకుడిగా నెగటివ్ షేడ్స్ ఉన్న ప్రతి నాయకుడిగా నటించిన సంగతి తెలిసిందే. ఒకవేళ ఈ పుకారు నిజమైతే…ఈ సినిమాలో హీరోగా, విలన్ గా జూనియర్ ఎన్టీఆర్ పాత్ర ఎలా ఉండబోతుందో అని తారక్ ఫ్యాన్స్ ఆసక్తిగా ఎదురుచూస్తున్నారు.
