సిలికాన్ ఆంధ్ర మ‌రో గొప్ప చ‌రిత్రాత్మ‌క ముంద‌డుగు వేసింది. మేజ‌ర్ లీగ్ క్రిక‌ట్‌(MLC)తో సిలికానాంధ్ర అవ‌గాహ‌నా ఒప్పందం(ఎంవోయూ) చేసుకుంది. అమెరికాలోనే ప్ర‌పంచ స్థాయి టీ-20 లీగ్ కోసం సిలికానంధ్ర క్రికెట్ ఫౌండేష‌న్‌(SACF)ను ఏర్పాటు చేసింది. SACF అమెరికా వ్యాప్తంగా ఇప్ప‌టికే అనేక కార్య‌క్ర‌మాల‌ను నిర్వ‌హించింది. ప్రారంభ‌స్థాయి నుంచే ఎంఎల్‌సీ స‌హ‌కారంతో క్రీడ‌లు నిర్వ‌హిస్తూ.. యువ క్రీడాకారుల‌ను ప్రోత్స‌హిస్తోంది.
ఈ ఒప్పందం మేర‌కు క్రికెట్ కోచింగ్‌, అంపైరింగ్‌లో యువ క్రీడాకారుల‌కు ICC ధ్రువీక‌రించిన అకాడ‌మీ ప్రోగ్రామ్స్‌లో శిక్ష‌ణ ఇస్తారు. దీనికి సంబంధించి యూనివ‌ర్సిటీ ఆఫ్ సిలికాన్ ఆంధ్ర MLCలొ మ‌రో అవ‌గాహ‌నా ఒప్పందం చేసుకుంది. ఈ ఒప్పంద కార్య‌క్ర‌మానికి సమీర్ మెహ్‌తా CEO MLC, సూర‌జ్ విశ్వ‌నాథ‌న్, USA క్రికెట్, ప్రేమ్ సూరి, SVCG, ఉన్ముక్త్ చంద్ భార‌త క్రికెట్ అండ‌ర్‌19 ప్ర‌పంచ క‌ప్ విజేత, డేవిడ్ వైట్ ద‌క్షిణాఫ్రికా క్రికెట్ ప్లేయ‌ర్‌, రాజు రెడ్డి పారిశ్రామిక వేత్త‌లు.. ముఖ్య అతిథులుగా హాజ‌ర‌య్యారు.
ఈ అవ‌గాహ‌న ఒప్పందంలో సిలికాన్ ఆంధ్ర, యూనివ‌ర్సిటీ ఆఫ్ సిలికాన్ ఆంధ్ర ముఖ్య భూమిక పోషించాయి. అదేవిధంగా అమెరికా వ్యాప్తంగా క్షేత్ర‌స్థాయి నుంచి క్రికెట్ ప్రెమోట్ చేసేందుకు కృషి చేస్తున్నాయి. ఈ నేప‌థ్యంలో అంద‌రి ఆశీర్వాదం, మ‌ద్ద‌తును నిర్వాహ‌కులు కోరుతున్నారు.
