జనసేనతో టీడీపీ పొత్తు ఉంటుందా…

నలబై ఏళ్ల రాజకీయ జీవితంపై మనసులో మాటలను వెల్లడించారు సిఎం చంద్రబాబునాయుడు. ఈ సందర్భంగా అడిగిన ప్రశ్నలకు చాలా జాగ్రత్తగా తెలివిగా సమాధానాలు చెప్పారాయన. రాబోయే కాలం బీజేపీతో పొత్తు ఉంటుందా ఉండదా అనే విషయంలో ఇప్పుడే చెప్పలేమన్నారు. కానీ బీజేపీ వైకాపాతో వెళుతుందనే ప్రచారం చేస్తుందని చెప్పగా.. అవునా.. తెలియదు అని సమాధానం చెప్పారు. అంతే కాదు.. జనసేన అధినేత పవన్ కళ్యాణ్ తో కలిసి సాగుతారా అంటే అది ఊహజనిత ప్రశ్న అని కొట్టి పారేశారు. టీడీపీతో పొత్తు పెట్టుకునేందుకు జనసేన మొగ్గు చూపుతోంది. అదే సమయంలో బీజేపీతో ఉంటే పొత్తుకు నో చెబుతుందట. అందుకే బీజేపీ వద్దు. జనసేన ముద్దు అనే తరహాలో టీడీపీ ఆలోచన చేస్తుందంటున్నారు విశ్లేషకులు.
ఏపీకి నిధులు ఇచ్చే విషయంలో ఆదుకోవడంలో బీజేపీకి వ్యతిరేకంగా ఉన్నారు జనాలు. అందుకే కమలం పార్టీతో పొత్తుకు విముఖంగా ఉండాలని నిర్ణయించారంటున్నారు. అదే సమయంలో పవన్ తో ముందుకు సాగేందుకు ఒప్పుకున్నారట. కానీ ఆ విషయాన్ని ఎక్కడా బయటకు చెప్పలేదు చంద్రబాబు. జనసేనతో పొత్తు గురించి మాట్లాడడానికి ఒప్పుకోలేదు చంద్రబాబు. జనసేనతో పొత్తు పరిస్థితుల్ని బట్టి రాజకీయాల్లో అప్పటికప్పుడు వచ్చిన మార్పులను బట్టి నిర్ణయాలుంటాయి. జనసేనతో పొత్తు ఉంటుందా? వంటి ఊహాజనిత ప్రశ్నలకు ఇప్పుడు సమాధానం చెప్పడం సరికాదని చెప్పారు. 
మరోవైపు తాము జనసేనతో తాము పొత్తు పెట్టుకుంటామని సిపిఐ అంటోంది. త్వరలో కడపలో జరిగే రాష్ట్ర మహాసభల్లో ఈ మేరకు కీలక నిర్ణయం తీసుకుంటామని చెప్పారు ఆ పార్టీ ఏపీ కార్యదర్శి రామకృష్ణ. ఫలితంగా సిపిఎం ఎటువైపు వెళుతుందో అనే సందేహం కలుగుతోంది. లోక్ సత్తా కూడ టీడీపీతో కలిసి సాగే ఆలోచన చేస్తోంది. ఇప్పుడున్న పరిస్థితుల్లో వైకాపా కంటే టీడీపీనే మంచిదని జేపీ అంటున్నారట. ఫలితంగా పొత్తుల పై క్లారిటీ వచ్చే వీలుంది. జయ ప్రకాష్ నారాయణను రాజ్యసభకు పంపే ఆలోచన చేస్తున్నారట చంద్రబాబు. అదే జరిగితే లోక్ సత్తా టీమ్ టీడీపీకి అండగా ఉండే అవకాశముంది.

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.