ఏపీ సీఎం చంద్ర‌బాబునాయుడు త‌న‌యుడు పోటీ చేసేది ఎక్క‌డ. ఏ నియోజ‌క‌వ‌ర్గం.. ఇదంతా ఇప్పుడు టీడీపీలో ర‌స‌వ‌త్త‌ర‌మైన చ‌ర్చ. ఆయ‌న‌తోపాటు.. కోడ‌లు బ్రాహ్మ‌ణి కూడా ఎంపీ అభ్య‌ర్థిగా బ‌రిలోకి దిగితే.. ఎవ‌రికి లాభం.. ఎవ‌రికి న‌ష్టం.. ఇదంతా పార్టీ శ్రేణుల్లో కాస్త త‌డ‌బాటుకు కార‌ణ‌మ‌వుతోంది కూడా. ఎందుకంటే.. గతంలో బాల‌య్య హిందూపూర్ నుంచి బ‌రిలోకి దిగితే.. అక్క‌డ సీటుపై ఆశ‌లు పెట్టుకున్న నేత క‌ల‌త చెందాడు. ఇప్పుడు లోకేష్‌, బ్రాహ్మ‌ణి కూడా క్యూ క‌డితే.. ఎవ‌రు త‌మ సీటును త్యాగం చేయాల‌నేది కూడా మ‌రో ప్ర‌శ్న. బ్రాహ్మ‌ణి సంగ‌తి ప‌క్క‌న‌బెడితే.. చిన‌బాబును ఎక్క‌డ నుంచి రంగంలోకి దింపాల‌నేది బాబును కూడా ఆందోళ‌న‌కు గురిచేస్తోంద‌ని స‌మాచారం. ఎందుకంటే.. గెలుపోట‌ములు.. ఎంత‌టివారినైనా ఆటాడుకోగ‌ల‌వు. పైగా లోకేష్‌బాబుకు ఇప్ప‌టికీ పూర్తిస్థాయి రాజకీయాలు ఒంట‌బ‌ట్ట‌లేదు. పైగా ఎవ‌రు సీటుకు ఎస‌రుపెట్టినా.. వారు.. న‌వ్వుతూనే ప్ర‌తీకారం తీర్చుకునే ఎత్తుగ‌డ వేయ‌క‌పోతారా! అనే అనుమానం కూడా సీనియ‌ర్ల‌తో ఉంది. పోన్లే.. చిత్తూరులో న‌గ‌రి ఇద్దామంటే.. ముద్దుకృష్ణ‌మ‌నాయుడు బంధుగ‌ణం ఉంది. ఇక కృష్ణా, గుంటూరుల్లో క‌మ్మ‌సామాజిక‌వ‌ర్గం అధికంగా వున్న చోటి నుంచి మాత్ర‌మే చిన‌బాబును బ‌రిలోకి దింపాల‌నేది ఫైన‌ల్‌గా పార్టీ నిర్ణ‌యించిన అంశం. ఎందుకంటే.. ఇక్క‌డ ఎన్‌టీఆర్ మ‌నువ‌డిగా లోకేష్‌పై అభిమానం.. కాస్త సెంట‌మెంట్ కూడా వ‌ర్క‌వుట్ అవుతుందని అధినేత చంద్రబాబు ఆలోచన కూడా న‌ట.
Be the first to comment