చంద్రబాబును ఇరికిస్తున్న కేసీఆర్

ఏపీ సి.ఎం చంద్రబాబునాయుడు మంత్రి ఇవ్వక పోవడంతో బయటకు వెళ్లాడు కేసీఆర్. ఆ తర్వాత పార్టీ పెట్టి తెలంగాణ సాధించుకున్నాడు. ఇప్పుడు తెలంగాణ రాష్ట్ర ముఖ్యమంత్రి. అయినా సరే తన రాజకీయ గురువును బాగానే చూసుకుంటాడు కేసీఆర్. కానీ కేసీఆర్ ను బచ్చా కిందనే లెక్కకడతాడు చంద్రబాబు. తాను రాజకీయంగా అనుమతించక పోవడం వల్లనే అతను మంచి పదవి అందుకున్నాడంటున్నాడు. ఆ సంగతి పక్కన పెడితే ఇప్పుడు కేసీఆర్.. చైన్నైలోను చంద్రబాబు నామ జపం చేశారు. డిఎంకే నేతలతో మాట్లాడిన తర్వాత ఫెడరల్ ఫ్రంట్ ఏర్పాట్లపై మీడియాతో మాట్లాడారు. మమతా బెనర్జీ, దేవెగౌడ, సోరెన్ వంటి నేతలతో ఆయన ఇప్పటికే మంతనాలు చేసిన సంగతి తెలిసిందే. ఇప్పుడు చంద్రబాబుతోను తాను మాట్లాడతానని చెబుతున్నారు కేసీఆర్. అసలు తనకు చంద్రబాబు మంచి స్నేహితుడని చెప్పారు. 
ఓటుకు నోటు కేసు నుంచి చంద్రబాబును బ్రహ్మాది దేవతలు దిగివచ్చినా కాపాడలేరని కేసీఆర్ చెప్పినమాటను ఈ సందర్భంగా గుర్తు చేసుకుంటున్నారు. నా మీద కేసు పెడితే అదే కేసీఆర్ సర్కార్ కు చివరి రోజు అవుతుందని ఇంకోవైపు హస్తిన వేదికగా చంద్రబాబు అన్న సంగతి మర్చిపోరు జనాలు. ఇలా ఎవరికి వారే కత్తులు నూరుకున్నా.. ఆ తర్వాత కలిసి ఉన్నట్లు నటిస్తున్నారు. అమరావతి శంఖుస్థాపనకు కేసీఆర్ వెళ్లగా.. అలానే కేసీఆర్ చేసిన యజ్ఞానికి చంద్రబాబు హాజరయ్యారు. ఫలితంగా ఇరు రాష్ట్రాల మధ్య సయోధ్య కుదిరిందని అంతా అనుకున్నారు. 
ఇప్పుడు అదే కేసీఆర్ మరో ఫ్రంట్ ఏర్పాటు చేస్తున్నారు. అటు మమతా బెనర్జీ అదే పని చేస్తున్నారు. చంద్రబాబు అవసరం లేకుండానే కేసీఆర్ ఫ్రంట్ ముందుకు వెళుతోంది. అసలు తమది ఫ్రంట్ కాదని.. రాజకీయ సామాజిక, ఆర్థిక, ప్రాంతీయ సమానత్వమని ఏదో ఏదో మాటలు చెబుతున్నాడు కేసీఆర్. ఆలోచన వేరు. ఆచరణ వేరు. కేసీఆర్ మాటలు ఇలానే ఉంటాయి. ఆచరణ సాధ్యం కాని చాలా మాటలు చెబుతారు కేసీఆర్. ఆ తర్వాత తాను అనలేదని బుకాయిస్తాడు. ఇది కేసీఆర్ నైజం. జనం వెర్రిపప్పలు అనుకుంటాడు. అందుకే అలా చెబుతాడు కేసీఆర్. ఏడు దశాబ్దాల పాటు కాంగ్రెస్, బీజేపీలో పరిపాలించాలా.. మరో పార్టీ అధికారం చేయకూడదా అని అంటున్నాడాయన. అందుకే కొత్త ఫ్రంట్ కు తాను సారధ్యం వహిస్తానని చెబుతున్నాడు. మధ్యలో చంద్రబాబు ప్రస్తావన తీసుకువస్తున్నాడు. జాతీయ స్థాయిలో తాను చక్రం తిప్పిన వాడినని తరచుగా చంద్రబాబు చెప్పేమాట. ఇప్పుడు అలాంటి పని ఏం చేయడం లేదు. కాబట్టి కేసీఆర్ కు చంద్రబాబు మద్దతునిస్తారా లేక కాంగ్రెస్ కూటమిలో కలుస్తారా అనేది ఆసక్తికరంగా మారింది.  
 
 

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.